Покана за невродивергентни млади
Дали сакаш да пробаш нови активности, да запознаеш други млади луѓе и да кажеш што навистина ти помага?
Ние формираме мала група за работилници со млади во рамки на европскиот проект YIFA – Youth Inclusion for All (Младинска инклузија за сите), кофинансиран од програмата Еразмус+.
За што се работилниците?
Во проектот YIFA, развиваме програма на темата Социјални компетенции: комуникација, социјална интеракција, емоционална свесност и градење односи. На работилниците заедно ќе пробаме практични активности за:
- комуникација и активно слушање 💬
- препознавање и управување со емоциите 🙂
- градење самодоверба и самопочит ⭐
Работилниците се засноваат на научно проверени пристапи за развој на социјални вештини, прилагодени за млади во нашата средина.
Ова не се часови и нема оценување. На работилниците ти не си само учесник, туку и ко-креатор. Твоето мислење ќе ни помогне активностите да станат подобри и подостапни. Најдобрите активности ќе станат дел од европската алатка YIFA Inclusion & Action Toolkit, која ќе ја користат младинските работници во повеќе европски земји.
За кого се работилниците?
За невродивергентни млади од 14 год. и постари (на пример, млади со состојби од аутистичниот спектар, со ADHD или со тешкотии во учењето), како и за сите млади кои сакаат да се чувствуваат посигурно во комуникацијата и во друштво, а кои:
- можат да учествуваат во групна активност од 120 минути, со паузи;
- сакаат да разговараат и да соработуваат со други млади;
- сакаат да вежбаат комуникација, да ги препознаваат емоциите и да градат самодоверба.
Што да очекуваш?
- мала група од 8 до 12 млади
- мирна и предвидлива атмосфера: секогаш однапред знаеш што ќе се случува
- едноставни упатства, визуелна поддршка и доволно време за секој чекор
- паузи во текот на работилницата, и дополнителна пауза кога ќе ти треба
- можеш да дојдеш со придружник или лице од доверба
- нема точни и погрешни одговори
- учеството е бесплатно
Практични информации
📅 Кога: еднаш неделно, во текот на декември и јануари
🕒 Времетраење: 120 минути по средба, со паузи
📍 Место: во Скопје, точната локација ќе биде потврдена наскоро
⏳ Рок за пријавување: 25.11.2026
Како да се пријавиш?
1️⃣ Пополни ја кратката пријава. Пријавата може да ја пополниш сам, или твојот родител/старател или стручно лице.
2️⃣ Краток разговор за запознавање. По пријавата ќе те контактираме за разговор од 10 до 15 минути. Заедно ќе провериме дали работилниците одговараат на твоите интереси и потреби.
Бројот на места е ограничен. Ако работилниците не се вистинскиот формат за тебе, ќе ти препорачаме други програми и услуги.
📞 Имаш прашање? Остави ни порака на е-мејл: contact@autisminstitute.eu
За млади под 18 години потребна е согласност од родител или старател. Согласноста ќе ја добиеш откако ќе се потврди учеството.

Финансирано од Европската унија. Изнесените ставови и мислења се само на авторот/ите и не мора да ги одразуваат ставовите на Европската унија или на Националната агенција за европски образовни програми и мобилност. Ниту Европската унија ниту давателот на грантот не можат да бидат одговорни за нив.
